O‘zbek-qozoq hujjatli filmi “Kinoshok — 2018” festivalida namoyish etiladi

O‘zbekiston va Qozog‘iston kinoijodkorlari tomonidan yaratilgan “Lyumyerlar” filmi 2—9-sentabr kunlari Anapada bo‘lib o‘tayotgan XXVII “Kinoshok” kinofestivalining hujjatli filmlar tanlovi doirasida namoyish etiladi, deya xabar bermoqda Sputnik.

Yarim soatlik “Lyumyerlar” hujjatli filmini Xristina Belousova va Dante Rustav tasvirga olgan. U 2017-yilda XIII Qozon xalqaro musulmon kinosi festivalida namoyish qilingan edi.

“Kinoshok” doirasida to‘liq metrajli, qisqa metrajli, hujjatli, televizion va bolalar filmlari kabi beshta tanlov bo‘lib o‘tmoqda.

To‘liq metrajli filmlar tanlovi hakamlariga o‘zbekistonlik mashhur rejissor Elyor Eshmuhammedov boshchilik qiladi.