Davlat xizmatlari agentligi Telegram’da o‘z kanaliga ega bo‘ldi

Prezident tashabbusi bilan 2017-yil 12-dekabrda tashkil etilgan. Agentlikning maqsadi fuqarolarga tezkor, qulay, shaffof xizmatlarni taqdim etish hisoblanadi. Fuqarolarga yengillik yaratish maqsadida agentlik o‘z Telegram kanalini ochdi. Bu haqda “Daryo”ga agentlik axborot xizmati xabar berdi.

Hozirda respublika bo‘ylab Prezident Xalq qabulxonalari huzurida faoliyat yurituvchi 201 ta Davlat xizmatlari markazlari mavjud.

Telegram kanal orqali tadbirkorlik subyektlari va fuqarolar davlat xizmatlari ko‘rsatish sohasidagi yangiliklar, u yoki bu xizmatdan foydalanish uchun kerakli hujjatlar haqida tushunchaga ega bo‘lishlari mumkin.