Toshkent ilk bor “O‘zbekiston suvenirlari” ko‘rgazma-yarmakasi o‘tkaziladi

Toshkent shahrining Sayilgoh ko‘chasida 22—23-sentabr kunlari ilk bor “O‘zbekiston suvenirlari” ko‘rgazma-yarmakasi o‘tkaziladi. Bu haqda Turizmni rivojlantirish qo‘mitasi ma’lum qildi.

Ko‘rgazma-yarmaka hunarmandlar va xalq ustalarini rag‘batlantirish, tayyorlanayotgan suvenir mahsulotlari assortimentini kengaytirishga qaratilgan.

Tadbir davomida milliy liboslar ko‘rigi, milliy sport turlari bo‘yicha ko‘rgazmali chiqishlar bo‘lib o‘tadi. Qo‘g‘irchoq teatri spektakli, an’anaviy va xalq musiqasi, raqslari ijro etiladi, milliy taomlar tortiq etiladi.