Mavsumning dastlabki “El-Klasiko”si vaqti ma’lum bo‘ldi

Ispaniya La Ligasining 10-turidan o‘rin olgan “Barselona”—“Real” uchrashuvining boshlanish vaqti aniq bo‘ldi.

Bu haqda La Liga prezidenti Xavyer Tebas Ondo Cero radiosidagi eshittirishda ma’lum qilgan. Unga ko‘ra mavsumning birinchi “El-Klasiko”si mahalliy vaqt bilan 16:15 da (Toshkent vaqti bilan 21:15 da) boshlanadi. Uchrashuvga “Kamp Nou” stadioni mezbonlik qiladi.

Javob uchrashuvi esa ikkinchi davraning 26-turida o‘tkaziladi. Bahs 2019-yilning 3-martiga rejalashtirilgan.