Surxondaryodagi “Xojaipok ota” ziyoratgohida o‘g‘rilik sodir etgan shaxs qo‘lga olindi

Surxondaryo viloyatida joylashgan ziyoratgoh hududida telefon o‘g‘irlagan shaxs ushlandi, deb xabar beradi IIV Jamoatchilik va ommaviy axborot vositalari bilan aloqalar boshqarmasi.

Surxondaryo viloyatining Oltinsoy tumanida 4-sentabr kuni Boysun tumanida yashovchi M.A. “Xojaipok ota” ziyoratgohida joylashgan cho‘milish suv havzasining kiyim yechinish xonasida qarovsiz qoldirilgan tanishi A.X.ga tegishli kiyimi cho‘ntagidan Samsung mobil telefonini o‘g‘irlab ketgan. Ko‘rilgan choralar natijasida M.A. ushlangan.

Mazkur holat yuzasidan jinoyat ishi qo‘zg‘atilib, tergov harakatlari olib borilmoqda.