Toshkentda Captiva olib qochgan shaxs mashinani yana joyiga qaytarib keldi

Toshkent shahrida istiqomat qiluvchi S.A. joriy yil 2-sentabr kuni Chorsu dahasi oldida Farg‘ona viloyatida yashovchi A.I. tomonidan qarovsiz qoldirilgan Captiva rusumli avtomashinani haydab qochdi. Bu haqda IIV jamoatchilik va OAV bilan aloqalar boshqarmasi xabar berdi.

S.A. shu kuni soat 23:00 atrofida mashinada voqea joyiga qaytib kelgan vaqtida ichki ishlar organlari xodimlari tomonidan qo‘lga olindi.

Holat yuzasidan jinoyat ishi qo‘zg‘atilib, tergov harakatlari olib borilmoqda.