Toshkentda Lifan mototsiklini olib qochgan ikki nafar fuqaro qo‘lga olindi

Toshkent shahrining Uchtepa tumanida shu yil 13-avgust kuni 2 nafar noma’lum shaxs Uchtepa tumani 12-daha oldida qarovsiz qoldirilgan T.Sh.ga tegishli qora rangli Lifan rusumli mototsiklini haydab qochgan edi, deb xabar beradi IIV Jamoatchilik va ommaviy axborot vositalari bilan aloqalar boshqarmasi.

Ko‘rilgan choralar natijasida ushbu jinoyatni Uchtepa tumanida yashovchi M.K. va A.K.lar sodir etganligi aniqlanib, ushlangan.

Holat yuzasidan jinoyat ishi qo‘zg‘atilib, tergov harakatlari olib borilmoqda.