O‘zbekiston va Rossiya mehnat vazirlari bandlik va demografiya masalalarini muhokama qildi

Moskvada O‘zbekiston Bandlik va mehnat munosabatlari vaziri Sherzod Qudbiyev hamda Rossiya Federatsiyasi Mehnat va ijtimoiy himoya vaziri Maksim Topilin amaliy uchrashuv o‘tkazdi. Bu haqda UzDaily xabar bermoqda.

Vazirlar mehnat migratsiyasi, mehnat migrantlarining huquqlarini himoya qilish, malakasini oshirish, demografik siyosat va ijtimoiy-mehnat sohasidagi tadqiqotlarni o‘tkazish masalalarini muhokama qildi.

Tomonlar ijtimoiy-mehnat sohasida ikki vazirlik o‘rtasida hamkorlik to‘g‘risidagi memorandum loyihasi yuqori darajada tayyor ekanligini ta’kidladi. Tomonlar uni 2018-yilning kuzida imzolashi kutilmoqda.