Stokgolmda yuzaga kelgan tartibsizlik tufayli politsiya ogohlantiruvchi o‘t ochdi
Stokgolmning Rinkebyu okrugida ommaviy tartibsizlikda ishtirok etgan yoshlar tosh otganligi sababli politsiya ogohlantiruvchi o‘t ochdi. Bu haqda Aftonbladet nashri ma’lum qildi, deb yozadi “Gazeta.ru”.
20-fevral, dushanba kuni kechqurun Shvetsiya poytaxtida ommaviy tartibsizliklar boshlandi. Tartibsizlik ishtirokchilari yetti yoki sakkizta avtomobilga o‘t qo‘yib, bir nechta do‘konni ag‘dar-to‘ntar qildi.
Stokgolm politsiyasi vakili Yeva Nilssonning so‘zlariga qaraganda, odamlar politsiyaga qarata tosh ota boshlagandan so‘ng, ularga qarata ogohlantiruvchi o‘t ochilgan. Politsiyachilardan biri yaralangan — tosh uning qo‘liga tekkan.
Politsiyaning ta’kidlashicha, tartibsizlikda 30—40 ga yaqin kishi qatnashgan. “Daryo”ning Telegram’dagi rasmiy kanali — @toshqindaryo’ga a’zo bo‘ling!