Kim Chen In Rossiyaga yil oxirigacha tashrif buyurishi mumkin

KXDR yetakchisi Kim Chen Inning Rossiyaga tashrifi yil oxirigacha amalga oshishi mumkin. Bu haqda Rossiya Federatsiya kengashi spikeri Valentina Matviyenko ma’lum qildi, deb yozadi “Gazeta.ru”.

Bir necha kun avval Matviyenko Pxenyanga yetib borgan, tashrif chog‘ida u Shimoliy Koreya yetakchisi bilan muzokaralar o‘tkazgan edi.

“U Rossiya prezidentining taklifiga javoban, yaqin orada, kechiktirmasdan, Vladimir Vladimirovichning grafigiga qarab, Rossiyaga tashrif bilan kelishga tayyor. Men o‘z safarim yakunlari bo‘yicha bu haqda aytaman”, — dedi Matviyenko.

U bunday tashrif yil oxirigacha amalga oshishiga umid bildirdi.