Malkomdan ayrilgan “Roma” Berardi uchun “Barselona” bilan “jang qiladi”

Italiyaning “Sassuolo” klubi hujumchisi Dominiko Berardiga “Barselona” hamda “Roma” jamoalari qiziqish bildirmoqda.

Rimliklar sport direktori Monchi yozda Malkom bilan yuz bergan voqea takrorlanmasligi uchun tezroq hujumchini “Barselona”da oldin qo‘lga kiritmoqchi. Ayni damda Berardining transferi 25-30 million yevroga baholanmoqda.

Ma’lumot uchun yozda kataloniyaliklar braziliyalik Malkomni “Bordo”dan 41 million yevro evaziga sotib oldi. Qizig‘i, “Roma” jamoasi 21 yoshli futbolchi bilan kelishuvga erishganini “Barselona” Malkomni sotib olishidan bir kun oldin e’lon qilib ulgurgandi. Biroq “Barselona”ning futbolchiga bo‘lgan qiziqishi mazkur transferning barbod bo‘lishini ta’minlagandi.