Eng ko‘p milliarderlar yashaydigan shaharlar aniqlandi: Nyu-York birinchi o‘rinda

Dollarli milliarderlar eng ko‘p istiqomat qiladigan shahar Nyu-York bo‘ldi — u yerda ularning soni 103 kishini tashkil qiladi, deb yozadi “RBK” Wealth-X tahlil kompaniyasiga tayanib.

Yuqori uchlikka Gonkong (93 milliarder) va San-Fransisko (74) ham kirdi. Moskva 69 nafar milliarder bilan to‘rtinchi o‘rinda joylashdi. Beshlikka London yakun yasadi — u yerda 62 milliarder yashaydi.

Yuqori o‘nlikka, shuningdek, Pekin (57), Singapur (44), Dubay (40), Mumbay (39), Shenchjen (39) ham kirdi.