AQSh Davlat departamenti delegatsiyasi O‘zbekistonga keladi

12-sentabr kuni AQSh Davlat departamenti delegatsiyasi O‘zbekistonga keladi. Delegatsiyaga AQSh Davlat kotibi iqtisodiyot va biznes masalalari bo‘yicha yordamchisining birinchi o‘rinbosari Brayan MakFiters boshchilik qiladi, deb yozadi O‘zbekiston Respublikasi Tashqi ishlar vazirligining matbuot xizmati.

Tashrif dasturida Vazirlar Mahkamasida, Tashqi ishlar, Tashqi savdo, Iqtisodiyot, Axborot texnologiyalari va kommunikatsiyalarini rivojlantirish vazirliklarida muzokaralar o‘tkazish ko‘zda tutilgan bo‘lib, mazkur uchrashuvlar chog‘ida savdo-iqtisodiy va investitsion sohalardagi ikki tomonlama hamkorlikning istiqbollarini muhokama qilish rejalashtirilgan.