Voronej yaqinidagi harbiy poligonda yong‘in yuz berdi

O‘t o‘chiruvchilar va harbiy xizmatchilar Voronej yaqinidagi “Pogonovo” harbiy poligonida yuzaga kelgan yirik yong‘inni o‘chirmoqda. U yerda 90 gektarga yaqin o‘rmon va o‘tlar yonmoqda, deb yozadi “RIA Novosti”.

Avgust oyi oxirida qutqaruvchilar joriy yilda ilk bor viloyat hududidagi jazirama sababli favqulodda yong‘in xavfini e’lon qildi.

Agentlik manbasiga ko‘ra, hozirda FVV va viloyat o‘t o‘chirish markazidan 52 kishi yong‘inni o‘chirish bilan shug‘ullanmoqda. Shuningdek, o‘t o‘chirishga harbiylar jalb qilingan. Yong‘in sababi aniqlanmoqda.