Toshkentda piyodaga eslatma yozilgan o‘tish yo‘lagi paydo bo‘ldi (foto)

14-sentabr kuni Toshkent shahar Chilonzor tumanida respublikada ilk bor yozuvli piyodalar yo‘lakchasi paydo bo‘ldi. Bu haqda UZ24 xabar bermoqda.

Baynalmilal ko‘chasi Mehribonlik uyining qarshisidagi Baynalmilal-Bunyodkor chorrahasidagi piyodalar yo‘lakchasida telefon va naushniklardan foydalanmaslik bo‘yicha o‘ziga xos eslatma tarzida yozuv qayd etildi.

Toshkent shahar IIBB YHXB xodimining ma‘lum qilishicha, bu hukumat qarori bilan belgilangan — haftaning har juma kuni “Yo‘l harakati xavfsizligi targ‘ibot kuni” doirasida amalga oshirildi.

Shu kuni hududlarda YPX xodimlari tomonidan yo‘l-transport hodisalarini oldini olish va piyodalarda yo‘l harakati qoidalariga rioya etish madaniyatini yuksaltirish bo‘yicha targ‘ibot ishlari o‘tkaziladi, bukletlar tarqatiladi.