Poroshenko Rossiya bilan do‘stlik to‘g‘risidagi shartnomani bekor qildi

Pyotr Poroshenko Rossiya bilan do‘stlik to‘g‘risidagi shartnomani bekor qilish haqidagi farmonni imzoladi. Bu haqda Ukraina prezidenti saytida ma’lum qilinadi.

“Milliy xavfsizlik va mudofaa kengashi qarori bilan Tashqi ishlar vazirligining Ukraina va Rossiya Federatsiyasi o‘rtasidagi 1997-yil 31-mayda imzolangan do‘stlik, hamkorlik va sheriklik to‘g‘risidagi shartnoma amalda bo‘lishini to‘xtatish haqidagi taklifi qo‘llab-quvvatlandi”, — deyiladi xabarda.

Ukraina TIV joriy yil 30-sentabrga qadar  maxsus nota bilan mazkur qaror haqida Moskvani xabardor qiladi. Prezident Poroshenko esa parlamentga tegishli qonun loyihasini taqdim etadi.