Shavkat Mirziyoyev Dushanbeda MDH davlat rahbarlari kengashi majlisida ishtirok etadi

Shavkat Mirziyoyev 27—28-sentabr kunlari Tojikistonga boradi. Bu haqda Prezident matbuot xizmati rahbari Komil Allamjonov ma’lum qildi.

Tashrifning birinchi kuni Shavkat Mirziyoyev qator ikki tomonlama tadbirlarda qatnashadi.

28-sentabr kuni O‘zbekiston Prezidenti Dushanbe shahrida MDH davlat rahbarlari kengashi majlisida ishtirok etadi. Tor va keng doiralarda muzokaralar o‘tkazilishi, qator hujjatlar imzolanishi rejalashtirilgan.