Tanzaniyada kema ag‘darilib ketdi, 44 kishi halok bo‘ldi

Tanzaniyadagi Viktoriya ko‘lida kema ag‘darilib ketishi natijasida 44 kishi halok bo‘ldi, deb yozadi “Korrespondent.net” mamlakat hukumatining rasmiy ma’lumotlariga tayanib.

Ta’kidlanishicha, kema ortiqcha yuk tufayli ag‘darilib ketgan. Bortda 500 ga yaqin kishi bo‘lgan. Boshqa OAVlar 400 kishi haqida yozmoqda.

Mahalliy mansabdor bergan ma’lumotga ko‘ra, 100 dan ortiq kishi qutqarilgan. Ammo bu axborot tasdiqlangani yo‘q.