MAN yil oxirigacha Toshkentga 40 ta konditsionerli avtobus yetkazib beradi

JV MAN Auto-Uzbekistan O‘zbekiston-Germaniya qo‘shma korxonasi yil oxirigacha “Toshshahartransxizmat”ga 40 ta past polli MAN A22 CNG katta sig‘imga ega avtobuslarni yetkazib beradi, ular siqilgan tabiiy gazda ishlaydi. Bu haqda “Podrobno.uz” xabar bermoqda.

MAN A22 CNG avtobuslari endi konditsioner bilan ham jihozlanadi. 2019-yilning birinchi choragida yana 40 ta MAN avtobusi Toshkent ko‘chalarida paydo bo‘ladi, keyingi yil oxirigacha esa qo‘shimcha 190 ta.

Ko‘p sonli MAN avtobuslari sotib olinishi munosabati bilan Toshkentda yirik servis markazi ochiladi.

Siqilgan gazda ishlovchi avtobuslarning afzalligi shundan iboratki, ulardan foydalanish chog‘ida shunga o‘xshash dizelli modellardan ko‘ra kamroq zararli moddalar chiqariladi.