Ravon Rossiyadagi dilerlar sonini ikki marta oshirmoqchi

“Ravon Motors Rus” kompaniyasi butun Rossiya bo‘yicha dilerlik markazlari sonini 100 tagacha oshirishni rejalashtirmoqda, deb yozadi “Avtostat” tahlil agentligi kompaniya matbuot xizmatiga tayanib.

Aniqlik kiritilishicha, 2017-yilning yanvar oyi oxiri holati bo‘yicha, Ravon dilerlik tarmog‘i 49 ta dilerlik markazidan iborat bo‘lgan, bu yil uni kengaytirishni davom ettirish ko‘zda tutilgan.

“Biz dilerlar o‘rtasida ichki raqobatni yuzaga keltirish maqsadida emasmiz, ammo biz sog‘lom raqobatga ham qarshi emasmiz, u diler tomonidan taqdim etiladigan xizmatlar sifatiga doimo ijobiy ta’sir qiladi, bu esa o‘z navbatida butun dilerlik tarmog‘i sifatini oshiradi”, — deya ma’lum qilishdi “Ravon Motors Rus” matbuot xizmatida.