19 yoshli “Bayer” futbolchisi Yevropa Ligasida haftaning eng yaxshi o‘yinchisi bo‘ldi
UEFA Yevropa Ligasida haftaning eng yaxshi o‘yinchisi nomi ma’lum bo‘ldi. 1-turning eng yaxshi o‘yinchisi sifatida Leverkuzenning “Bayer” jamoasi yarim himoyachisi Kay Xaverts e’tirof etildi. Bu haqda tashkilot rasmiy saytida xabar berildi.
Endigina 19 yoshni qarshilagan Xaverts safarda “Ludogorets”ga qarshi kechgan 1-tur bahsida dublga erishdi va “Bayer”ning 3:2 hisobida g‘alabaga erishishida katta hissa qo‘shdi.
Haftaning eng yaxshi o‘yinchisi bo‘lishga da’vogarlar sifatida “Arsenal” hujumchisi Pyer-Emerik Obameyang, “Sevilya” yarim himoyachisi Ever Banega va “Dinamo Zagreb” futbolchisi Izet Xayrovich ko‘rsatilgandi.
Ma’lumot uchun, avvalroq Yevropa Chempionlar Ligasida haftaning eng yaxshi o‘yinchisi sifatida Lionel Messi e’tirof etilgandi.
Manba: Daryo.uz