Kuba tashqi ishlar vaziri o‘rinbosari siyosiy maslahatlashuvlar o‘tkazish uchun O‘zbekistonga keladi

Toshkentda 24-sentabr kuni O‘zbekiston va Kuba Tashqi ishlar vazirliklari o‘rtasidagi siyosiy maslahatlashuvlarning navbatdagi raundi bo‘lib o‘tadi. Bu haqda O‘zbekiston TIV matbuot xizmati xabar bermoqda.

Xabar berishlaricha, maslahatlashuvlarda ishtirok etish uchun Kuba tashqi ishlar vaziri o‘rinbosari Ana Terisita Gonsales Fraga boshchiligidagi delegatsiya O‘zbekistonga keladi.

“TIVdagi uchrashuv davomida ikki tomon kun tartibidagi qator masalalar, jumladan, xalqaro tashkilotlar doirasidagi hamkorlik muhokama qilinishi kutilmoqda”, — deyiladi vazirlik axborotida.