AQSh davlat kotibi Rossiyani befoyda mamlakat deb atadi

AQSh davlat kotibi Mayk Pompeo Rossiyani befoyda mamlakat deb hisoblaydi. Bu haqda u NBC News telekanaliga bergan intervyusida aytib o‘tdi.

Jurnalistning Rossiyadan “na Ukrainaga, na Suriyaga naf tegmayotganligi” to‘g‘rimi-yo‘qmi? — degan savoliga javoban, Pompeo bunday mulohaza “yetarli darajada to‘g‘ri” ekanligini aytdi.

“Bu juda achinarli, chunki bizning manfaatlarimiz mos tushadigan ko‘plab jihatlar bor. Ammo qadriyatlar emas, bu borada Rossiya bizdan jiddiy farq qiladi. Undan na Ukrainaga, na Suriyaga foyda bo‘ldi”, — dedi Amerika diplomatiyasi rahbari.