Xorazmda qarovsiz qoldirilgan Lacetti’ni olib qochgan shaxs ushlandi

Xorazm viloyatining Urganch shahrida 2018-yilning 23-sentabr kuni tuman IIBga tushgan hujjatlarga ko‘ra, shu yil 22-sentabr kuni Gurlan tumanida yashovchi Sh.O. mast holda S.A.ning Lacetti rusumli avtomashinasi Gurlan ko‘chasida eshiklari ochiq, kalitlari o‘zida qarovsiz holda qoldirilganligidan foydalanib, avtomashinani haydab qochgan. Bu haqda IIV Jamoatchilik va ommaviy axborot vositalari bilan aloqalar boshqarmasi xabar berdi.

Ko‘rilgan choralar natijasida Sh.O. avtomashinani Jambul ko‘chasida haydab ketayotganida viloyat IIB Yo‘l harakati xavfsizligi boshqarmasi xodimlari tomonidan qo‘lga olingan. Holat yuzasidan jinoyat ishi qo‘zg‘atilgan. Tergov harakatlari olib borilmoqda.