Yangiyo‘lda hujjatlarsiz avtomobil boshqargan yigit 11 yoshli bolani urib ketdi

Yangiyo‘l shahrida 20-sentabr kuni soat 17:40 larda, Yangiyo‘l tumanida yashovchi, mavsumiy ishchi, 2000-yilda tug‘ilgan, N.E. ishonch qog‘ozisiz, hech qanday hujjatlarsiz Toshkent shahridagi mas’uliyati cheklangan jamiyatlaridan biriga tegishli Lasetti rusumli avtomashinani Yangiyo‘l shahar Sh.Rashidov ko‘chasida boshqarayotib, piyoda, voyaga yetmagan, 2007-yilda tug‘ilgan, A.Z.ni urib yuborgan. Bu haqda Toshkent viloyati ichki ishlar boshqarmasi matbuot xizmati xabar bermoqda.

Oqibatda piyoda A.Z. tan jarohati olib, shifoxonaga yotqizilgan.

Yangiyo‘l shahar IIB huzuridagi Tergov bo‘limi tomonidan 2018-yil 24-sentabr kuni N.E.ga nisbatan O‘zbekiston Respublikasi Jinoyat Kodeksining 266-moddasi 1-qismi jinoyat ishi qo‘zg‘atilgan.