Toshkentda og‘ir jinoyatda gumonlanuvchi shaxs qidirilmoqda. U xavfli, yonida pichog‘i bor

Toshkent shahrida og‘ir jinoyatda gumonlanuvchi shaxs qidirilmoqda, deb xabar beradi Toshkent shahar IIBB.

“Og‘ir jinoyat sodir qilganlikda gumonlanuvchi 1991-yilda tug‘ilgan Olmazor tumanida yashovchi Jurayev Shohrux Qobil o‘g‘li qidirilmoqda. Gumonlanuvchi xavfli, yonida pichog‘i bor, qarshi kuch ishlatishi mumkin”, — deyiladi xabarda.

Toshkentliklar va poytaxt mehmonlaridan gumonlanuvchining turar joyi ma’lum bo‘lsa, ushbu raqamlar orqali xabar berishi so‘raldi: 102, 272-98-39, 231-95-13, (98) 362-51-14.

Toshkent shahar IIBB qo‘ng‘iroq qilgan kimsaning shaxsi sir tutilishini to‘liq ta’minlaydi.