Zangiotada “VAZ-2103” haydovchisi ota-bolani urib yubordi

Zangiota tumanida yashovchi I.M. “VAZ-2103” rusumli avtomashinasini “Shodlik” mahallasi hududida boshqarib ketayotib piyodalar — 1990-yilda tug‘ilgan M.A. va uning o‘g‘li, 2015-yilda tug‘ilgan M.M.ni urib yubordi. Bu haqda “Daryo”ga Toshkent viloyati IIB matbuot xizmati xabar berdi.

Hodisa oqibatida voyaga yetmagan M.M. tan jarohati olib, shifoxonaga yotqizildi.

Zangiota tuman IIB huzuridagi tergov bo‘limi tomonidan I.M.ga nisbatan Jinoyat Kodeksining 266-moddasi 1-qismi bilan jinoyat ishi qo‘zg‘atilgan.