Qoraqalpog‘istonda Cobalt va Isuzu to‘qnashuvida 4 kishi halok bo‘ldi

2018-yil 25-sentabr kuni soat 13:00 atrofida To‘rtko‘l tumani hududidan o‘tuvchi A-380 “G‘uzor—Buxoro—Nukus—Beynau” avtomobil yo‘lining 596 kilometrida 4 kishining o‘limiga sabab bo‘lgan YTH sodir bo‘ldi. Bu haqda FVV matbuot xizmati ma’lum qildi.

Mazkur yo‘lda Cobalt rusumli avtomobil boshqaruvni yo‘qotib, qarama-qarshi yo‘nalishda harakatlanib kelayotgan Isuzu avtomobili bilan to‘qnashdi.

YTH oqibatida 4 kishi voqea joyida halok bo‘ldi.

Sodir bo‘lgan YTH yuzasidan dastlabki tergovoldi tekshiruv ishlari olib borilmoqda.