O‘zbekistonda bolalar nafaqalari va moddiy yordam vaqtinchalik yashash joyi bo‘yicha ham berila boshlashi mumkin

O‘zbekiston Adliya vazirligi “Kam ta’minlangan oilalarga ijtimoiy nafaqalar va moddiy ko‘mak tayinlash va to‘lash tartibi to‘g‘risidagi nizom”ga tuzatishlar kiritmoqchi, deb yozadi Norma.

Nizomning 12-bandiga muvofiq, farzandli oilalarga nafaqa, bolaga qarash bo‘yicha nafaqa va moddiy yordam arizachining doimiy yashash (propiska) joyi bo‘yicha fuqarolarning o‘z-o‘zini boshqarish organi tomonidan tayinlanadi.

Agar tuzatishlar tasdiqlansa, ijtimoiy ko‘makning sanab o‘tilgan turlarini arizachining vaqtinchalik yashash yoki ro‘yxatga kirish joyidan olish mumkin bo‘ladi.