Alisher Usmonov “Megafon” xorijiy birjaga qaytishi mumkinligini aytdi

“Megafon”ning chet el fond birjasiga qaytishi kelajakda istisno qilinmagan. Bu haqda mobil operatorning asosiy aksiyadori — USM xolding rahbari Alisher Usmonov “Rossiya-1” telekanaliga bergan intervyusida aytib o‘tdi, deb yozadi “TASS”.

“Bu birjaga xos normal vaziyat — kompaniya sotib oladi, keyin bu davr o‘tadi… G‘arbda ham bozor volatilligi xuddi shunday bo‘ladi”, — deya aniqlik kiritdi Usmonov “Megafon” kompaniyasining London birjasidan delisting qilinishi haqidagi qarorga. “Albatta, yo‘q”, — deya javob berdi u “Megafon” aktivlarining G‘arb birjasiga qaytish ehtimoli istisno qilinadimi? — degan savolga.

15-iyul kuni “Megafon” direktorlar kengashi London fond birjasidan delisting qilishni tasdiqlagan edi. Usmonov delisting kompaniyaning investitsiyalarni talab qiluvchi yangi raqamli strategiyasi hamda g‘arblik investorlar faolligining pasayishi bilan bog‘liq ekanligini aytdi.