Qashqadaryoda ochiq derazadan uyga kirib o‘g‘rilik qilgan shaxs ushlandi

Qashqadaryo viloyatining Mirishkor tumanida shu yil 30-iyun kuni noma’lum shaxs Qumbangi mahallasida yashovchi M.B.ning uyiga ochiq qolgan derazasi orqali kirib, xonasidan 3 mln. so‘m pul, 200 AQSh dollari, zargarlik buyumlari va 3 dona mobil telefonni o‘g‘irlab ketgan. Bu haqda IIV Jamoatchilik va ommaviy axborot vositalari bilan aloqalar boshqarmasi matbuot xizmati xabar berdi.

Holat yuzasidan jinoyat ishi qo‘zg‘atilib, ko‘rilgan choralar natijasida ushbu jinoyatni Mirishkor tumanida yashovchi I.N. sodir etganligi aniqlanib, ushlangan. Tergov davom etmoqda.