Igor Akinfeyev Rossiya terma jamoasidagi faoliyatini yakunladi

Moskvaning SSKA klubi darvozaboni Igor Akinfeyev Rossiya terma jamoasidagi faoliyatini yakunlaganini e’lon qildi.

32 yoshli futbolchi bundan buyon Rossiya termasi uchun maydonga tushmaydi. Akinfeyev Rossiya terma jamoasi safida 2004-yildan e’tiboran to‘p surib kelayotgan edi.

U milliy terma safida 110 ta o‘yinda maydonga tushib, 95 ta gol o‘tkazib yuborgan. 2017-yilda esa terma jamoaning sardoriga aylandi. JCh—2018 vaqtida ham u Rossiyani maydonga sardor sifatida boshlab tushdi.