Romitan qurilish va transport kasb-hunar kolleji direktori pora bilan qo‘lga tushdi

28-sentabr kuni Romitan tumanidagi qurilish va transport kasb-hunar kolleji direktori vazifasini bajaruvchi Nodirjon Jo‘rayev o‘z mansab vakolatini suiiste’mol qildi, deb xabar beradi Buxoro viloyati IIB axborot xizmati.

Direktor 1989-yilda tug‘ilgan fuqaro U.Hayitovdan uning turmush o‘rtog‘i G.Hojiyevani mazkur kollejga o‘qituvchi vazifasida ishga qabul qilish evaziga ta’magirlik yo‘li bilan 150 AQSh dollarini talab qildi.

U kimyoviy ishlov berilgan 150 AQSh dollarini olgan vaqtida huquq-tartibot idoralari xodimlari tomonidan jinoyat ustida qo‘lga olindi.

Mazkur holat yuzasidan N.B.Jo‘rayevga nisbatan O‘zbekiston Respublikasi JKning 210-moddasi 2-qismi “v” bandi bilan jinoyat ishi qo‘zg‘atilib, dastlabki tergov harakatlari olib borilmoqda.