Istanbulda avtomobil piyodalar to‘dasi ustiga yurib ketdi

Istanbulning Bakirkyoy tumanida avtomobil piyodalar ustiga yurib ketdi. Hodisa oqibatida bir necha kishi jarohat olgan. Bu haqda 2-oktabr, seshanba kuni NTV telekanali xabar berdi, deb yozadi “RIA Novosti”.

Dastlabki ma’lumotlarga ko‘ra, mashina haydovchisi noma’lum sababga ko‘ra trotuarlar bo‘ylab tartibsiz harakatlana boshlagan, yo‘lovchilarni urib yuborib, hodisa joyidan yashiringan.

Politsiya haydovchini qidirish ishlarini boshlagan. Jabrlanganlar shifoxonaga yotqizilgan.