Shavkat Mirziyoyevning Qozog‘istonga rasmiy tashrif bilan borishi kutilmoqda

O‘zbekiston Respublikasi Prezidenti Shavkat Mirziyoyev yaqin vaqt ichida Qozog‘istonga rasmiy tashrifni amalga oshiradi. Bu haqda 23-fevral kuni Toshkentdagi Xalqaro biznes markazida bo‘lib o‘tgan O‘zbekiston Respublikasi va Qozog‘iston Respublikasi o‘rtasidagi ikki yoqlama hamkorlik bo‘yicha Hukumatlararo komissiyaning 16-yig‘ilishida O‘zbekiston Respublikasi Bosh vazirining birinchi o‘rinbosari Achilboy Ramatov ma’lum qildi.

Kutilayotgan tashrif yangi saylangan davlat rahbari Shavkat Mirziyoyevning o‘z lavozimiga kirishganidan so‘ng Qozog‘istonga amalga oshiradigan birinchi rasmiy tashrifi bo‘ladi. Rasmiy tashrif ikki mamlakat o‘rtasidagi strategik hamkorlikning yangi bosqichga chiqishiga zamin yaratadi. Bo‘lib o‘tgan yig‘ilish kutilayotgan tashrifga puxta tayyorgarlik ko‘rish imkonini berishi ta’kidlab o‘tildi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!