“Monako” uchun omadsiz mavsum. Jamoa ketma-ket 9-o‘yindan beri g‘alaba qozona olmayapti

Kecha, 3-oktabr sanasida Yevropa Chempionlar Ligasi “A” guruhi 2-turi doirasida Fransiyaning “Monako” jamoasi safarda “Borussiya Dortmund”ga 0:3 hisobida yutqazdi. Shu tariqa fransuz klubining g‘alabasiz o‘yinlar seriyasi ketma-ket 9 ta o‘yinga yetdi. Bu haqda “Sports.ru” xabar berdi.

Shu bilan birga bu klubning ketma-ket qabul qilib olgan 3-mag‘lubiyati bo‘ldi. “Monako” yangi mavsum boshidan beri faqat 1 ta o‘yinda g‘alaba qozondi. Jamoa Fransiya chempionatining birinchi turida “Nant”ga qarshi o‘yinda g‘alaba qozongan edi. Shundan beri klub g‘alaba qozona olganicha yo‘q.