Angliya terma jamoasining Xorvatiya va Ispaniyaga qarshi o‘yinlar uchun tarkibi e’lon qilindi

Oktabr oyida FIFA kunlari doirasida Angliya terma jamoasi Millatlar Ligasi uchrashuvlarini o‘tkazadi.

Angliya joriy yilning 12-oktabr sanasida Xorvatiya, 15-oktabrda esa Ispaniyaga qarshi maydonga tushadi. Terma bosh murabbiyi Garet Sautgeyt ushbu bahslarda qatnashadigan futbolchilar ro‘yxatini e’lon qildi.

Darvozabonlar: Markus Bettinelli (“Fulhem”), Jek Batlend (“Stok Siti”), Aleks Makkarti (“Sauthempton”), Jordan Pikford (“Everton”);

Himoyachilar: Trent Aleksander-Arnold, Jo Gomes (ikkalasi - “Liverpul”), Harri Maguayr (“Lester”), Danni Rouz, Kiran Trippyer (ikkalasi - “Tottenhem”), Lyuk Shou (“Manchester Yunayted”), Jon Stounz, Kayl Uolker (ikkalasi - “Manchester Siti”), Jeyms Tarkovski (“Byornli”);

Yarim himoyachilar: Ross Barkli (“Chelsi”), Nataniel Chaloba (“Uotford”), Erik Dayer, Harri Uinks (ikkalasi - “Tottenhem”), Jordan Henderson (“Liverpul”), Jeyms Meddison (“Lester”), Meyson Maunt (“Derbi”), Jeydon Sancho (“Borussiya Dortmund”);

Hujumchilar: Harri Keyn (“Tottenhem”), Markus Reshford (“Manchester Yunayted”), Rahim Sterling (“Manchester Siti”), Danni Uelbek (“Arsenal”).