Kashmirda jangarilarning armiya kolonnasiga hujumi oqibatida 3 nafar harbiy xizmatchi o‘ldirildi

Hindistonning Jammu va Kashmir shtatida terrorchilar guruhining armiya kolonnasiga hujumi oqibatida 3 nafar harbiy xizmatchi o‘ldirildi. Otishma chog‘ida mahalliy aholiga mansub ayol ham halok bo‘ldi, deya xabar beradi “TASS”. 

NDTV telekanaliga ko‘ra, harbiy xizmatchilar Shopian okrugidagi aksilterror operatsiyasidan qaytayotganda jangarilar tomonidan o‘qqa tutilgan. Hujumdan so‘ng ular yashirinishga ulgurdi. 

Harbiylar qo‘shimcha yordam chaqirdi, ayni paytda okrugda hujum uyushtirganlarni qidirish bo‘yicha operatsiya o‘tkazilmoqda. 

Bu terrorchilarning fevral oyi boshidan beri Jammu va Kashmirda hind harbiylariga nisbatan amalga oshirgan to‘rtinchi hujumi. Ular davomida 9 nafar harbiy xizmatchi o‘ldirildi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!