Astraxanda pasportiga noma’lum muhr urilgan O‘zbekiston fuqarosi qo‘lga olindi

Rossiyaning Astraxan viloyatidagi “Qorao‘zak” nazorat punktida chegarachilar pasportiga mamlakat hududida amalda bo‘lmagan muhr urilgan O‘zbekiston fuqarosini aniqladi, deb xabar beradi “Podrobno.uz”.

“Erkak vataniga qaytishni shu darajada xohlardiki, chegaradan eson-omon o‘tib olish uchun hatto chegarachiga 7000 rubl miqdorida pora taklif qildi. Ushbu harakat uchun jinoiy javobgarlik borligi haqidagi ogohlantirishdan so‘ng erkak pora berish taklifidan qaytdi”, — deyiladi xabarda.

Hozirda O‘zbekiston fuqarosi migratsion qonunchilikni buzgani uchun ma’muriy jazo tayinlash maqsadida politsiya xodimlariga topshirilgan.