Indoneziyada tabiiy ofatlar xavfi yuzasidan ta’minot bazalarini yaratish rejalashtirmoqda

Indoneziya hukumati sunami yoki zilzilalar chog‘ida jabrlanuvchilarga tezkor ko‘mak taqdim etish uchun moddiy-texnik ta’minot bazalarini yaratish rejasini ishlab chiqmoqda, deb yozadi “RIA Novosti”.

Bunday bazalarda oziq-ovqat, suv uchun filtrlar, elektrogeneratorlar saqlanadi. Bundan tashqari, u yerga zaxira ekskavatorlar va harbiy flot kemalari joylashtiriladi. Bunday bazalar yordamida zarur yordam jabrlanuvchilarga 24 soat ichida yetkazilishi mumkin bo‘ladi.

Ta’minot bazalarini zilzilalar xavfi past bo‘lgan hududlarda qurishmoqchi, bular, xususan, Janubiy Sulavesi, Janubiy  va Sharqiy Kalimantan, Sharqiy Yava provinsiyalarining yirik shaharlari va portlari, shuningdek, Banka va Belitung orollaridir.