16 nafar o‘zbekistonlik Irkutsk aeroporti orqali Rossiyadan badarg‘a qilindi

Joriy yilda Irkutsk, Novosibirsk, Moskva, Belgorod va Rostov aeroportlaridagi davlat chegaralari orqali 518 nafar noqonuniy muhojir Rossiyadan badarg‘a qilindi. Bu haqda “Sibirskiye novosti” xabar bermoqda.

Ulardan 60 foizini O‘zbekiston, 19 foizini Tojikiston fuqarolari tashkil etdi.

O‘tgan hafta dam olish kunlari Irkutsk aeroporti orqali O‘zbekistonning 16 nafar fuqarosi mamlakatdan chiqarib yuborildi.

Hozirda maxsus muassasada sud qaroriga binoan Rossiyadan badarg‘a qilinishini kutayotgan 82 nafar xorijlik saqlanmoqda.