Toshkentda o‘ziga nisbatan qo‘zg‘atilgan jinoyat ishini to‘xtatish uchun IIB xodimiga 1000 dollar taklif qilgan ayol ushlandi

Joriy yil 4-oktabr kuni Toshkent shahrining Olmazor tumanida yashovchi D.K. ismli ayol o‘ziga nisbatan qo‘zg‘atilgan jinoyat ishini to‘xtatishni so‘rab, tergov harakatlarini olib borayotgan ichki ishlar xodimiga pora taklif qildi. Bu haqda IIV jamoatchilik va OAV bilan aloqalar boshqarmasi xabar berdi.

Mazkur holat yuzasidan xodim o‘z rahbariga axborot berdi.

6-oktyabr kuni ichki ishlar idoralari va prokuratura xodimlari hamkorligida o‘tkazilgan tezkor tadbir davomida D.K. xodimga 1 000 AQSH dollarini pora sifatida berayotgan vaqtida ushlandi.

Holat yuzasidan jinoyat ishi qo‘zg‘atilib, tergov harakatlari olib borilmoqda.