Habib Nurmagomedov UFC prezidentiga mashinasini vayron qilish bilan tahdid qildi

UFC chempioni rossiyalik Habib Nurmagomedov tashkilot rahbari Deyna Uaytga mashinasini vayron qilish bilan tahdid qildi. Bu haqda u o‘zining Instagram sahifasida yozuv qoldirgan.

Habib shunday deb yozadi: “Deyna Uayt, sening omading keldi. Agar chempionlik kamarini bermaganingda, mashinangni vayron qilardim. Qani sening mashinang turadigan joy?”.

UFC prezidenti ham bunga javob tarzida bu ishini Habibning otasiga aytishni izoh sifatida yozib qoldirgan.

Ma’lumot uchun, 7-oktabr sanasida Habib Konor Makgregorni mag‘lub etgandi. Jangdan so‘ng esa janjal yuzaga kelgandi. Shundan so‘ng Habib chempionlik kamaridan mahrum etilishi mumkin degan xabarlar paydo bo‘lgandi.