OAV: Sony kompaniyasi PlayStation 5 o‘yin qurilmasini yaratmoqda

Sony kompaniyasi PlayStation 5 o‘yin qurilmasining yangi avlodini yaratish ustida ishlamoqda. Bu haqda kompaniya rahbari Kenichiro Yoshidaning yaqinda bergan intervyusiga tayanib, “Korrespondent.net” xabar berdi.

Intervyuda kompaniya rahbari yangi qurilmani chiqarish zarurati haqida ma’lum qilgan. PlayStation 5’ning yaratilayotgani haqida aniq tasdiqlar yo‘q, biroq bir qator OAVlar gap aynan o‘yin qurilmasi haqida ketayotganiga ishonmoqda.

Avvalroq, PlayStation 4’ning hayot sikli yakuni haqidagi bayonot fonida qurilmaning yangi avlodi yaratilayotgani bo‘yicha xabarlar tarqalgan edi.

Shu bilan bir vaqtda, kompaniya PlayStation 4’ni savdodan olib tashlash yoki savdoni qisqartirishga shoshilmayapti.