16—18-oktabr kunlari O‘zbekistonda “ommaviy diktant” tadbiri o‘tkaziladi

O‘zbekiston Respublikasi Madaniyat vazirligi tomonidan 16—18-oktabr kunlari Oliy va o‘rta maxsus ta’lim vazirligi, Xalq ta’lim vazirligi va O‘zbekiston Fanlar akademiyasi bilan hamkorlikda “Ommaviy diktant” tadbiri o‘tkaziladi. Bu haqda vazirlik matbuot xizmati xabar bermoqda.

Ushbu tadbir O‘zbekiston Respublikasi Prezidentining 2018-yil 22-yanvardagi “2017—2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Faol tadbirkorlik, innovatsion g‘oyalar va texnologiyalarni qo‘llab-quvvatlash yili”da amalga oshirishga oid davlat dasturi to‘g‘risida”gi PF-5308-son farmoni, Davlat dasturining chora-tadbirlar rejasi, 177-bandida “Xalq savodxonligini ko‘tarish, ijtimoiy, iqtisodiy va madaniy hayotning barcha sohalarida milliy boylik hisoblangan tilning rolini oshirish” bo‘yicha belgilangan vazifaga hamda 21-oktabr “O‘zbek tiliga davlat tili maqomi berilgan kun” bayrami munosabati bilan o‘tkaziladi.