Farg‘onada o‘zboshimchalik bilan qurilgan imoratlarga mulk huquqi berish bo‘yicha 3640 ta ariza kelib tushdi
Bir martalik umumdavlat aksiyasi doirasida ko‘chmas mulklarga nisbatan mulk huquqini e’tirof etish uchun Farg‘ona viloyati bo‘yicha 3 640 ta ariza kelib tushgan. Bu haqda “Daryo”ga Davlat xizmatlari agentligi Farg‘ona viloyat boshqarmasi xabar berdi.
Ko‘chmas mulkka nisbatan mulk huquqini e’tirof etish bo‘yicha bir martalik umumdavlat aksiyasi doirasida ko‘chmas mulklarga nisbatan mulk huquqini e’tirof etish uchun Farg‘ona viloyati bo‘yicha 3 640 ta ariza kelib tushgan. Shundan 829 ta murojaat bo‘yicha mulk huquqini e’tirof etish bo‘yicha tuman (shahar) hokimlarining qarorlari chiqarilishiga erishilgan, 1141 ta murojaat bir martalik yig‘imni to‘lash uchun yuborilgan bo‘lsa, 614 ta murojaatga esa rad xulosalari berilgan.
Qonun buzilishlar, ularga imkon beruvchi sabablar va shart-sharoitlarni bartaraf etish maqsadida vakolatli organlarga 4 ta taqdimnoma kiritilib, 7 nafar mansabdor shaxsga nisbatan ma’muriy bayonnomalar tuzilgan hamda tegishli ma’muriy jarimalar qo‘llanilgan.
Manba: Daryo.uz