Tramp Kim Chen In bilan Kongressga saylovlardan so‘ng uchrashishi mumkinligini ma’lum qildi

AQSh prezidenti Donald Tramp Shimoliy Koreya yetakchisi Kim Chen In bilan 6-noyabrda bo‘lib o‘tadigan Kongressga saylovlargan so‘ng ikkinchi bor uchrashishi mumkin. Bu haqda Reuters ma’lum qildi.

“Bu saylovlardan keyin bo‘ladi. Men hozir hech qayerga ketolmayman”, — ta’kidladi Tramp.

Oldinroq AQSh prezidenti KXDR bilan ikkinchi sammit rejasi borligi va bu “misli ko‘rilmagan oldinga siljish” bo‘lishini bildirgandi.

Ma’lumot uchun, 7-oktabr kuni Kim Chen In Pxenyanda AQSh davlat kotibi Maykl Pompeo bilan uchrashdi.