Andijonda yiliga 1,2 million dona mahsulot tayyorlash quvvatiga ega korxona ishga tushdi

Andijon viloyati Paxtaobod tumanidagi Madaniyat qishlog‘ida “Texno mebel invest” mas’uliyati cheklangan jamiyatining trikotaj mahsulotlari ishlab chiqaruvchi korxonasi foydalanishga topshirildi. Bu haqda O‘zA xabar berdi.

Sobiq poyabzal fabrikasi o‘rnida ish boshlagan loyihaning umumiy qiymati 4,5 milliard so‘mni tashkil etdi. Korxona yiliga 1,2 million dona mahsulot tayyorlash quvvatiga ega. Bu yerda “Reza textile” yorlig‘i ostida erkaklar, ayollar va bolalar uchun kiyim-kechak tayyorlanmoqda.

Yangi korxona faoliyat boshlashi bilan 200 nafar xotin-qizning bandligi ta’minlandi.