Namanganda qarovsiz qoldirilgan Lacetti’dan 3 milliondan ortiq pul o‘g‘irlagan shaxs ushlandi

Namangan shahrida shu yil 3-oktabr kuni noma’lum shaxs Sharq Tongi mahallasi hududida “Maorif” MFYda yashovchi I.Q. tomonidan qarovsiz qoldirilgan Lacetti rusumli avtomashina salonidan 3 mln 900 ming so‘m pulini o‘g‘irlab ketgan. Bu haqda IIV Jamoatchilik va ommaviy axborot vositalari bilan aloqalar boshqarmasi xabar berdi.

Holat yuzasidan jinoyat ishi qo‘zg‘atilgan edi. Ko‘rilgan choralar natijasida ushbu jinoyatni Namangan shahrida yashovchi Sh.S. sodir etganligi aniqlanib, ushlangan. Tergov harakatlari davom etmoqda.