Singapore Airlines qo‘nishlarsiz eng uzoq reysni amalga oshirdi. U salkam 18 soat davom etdi

Singapore Airlines aviakompaniyasi aviareyslarning uzoqligi bo‘yicha rekordni urdi. Singapurdan Nyu-Yorkga bo‘lgan qo‘nishlarsiz parvoz 17 soat 52 daqiqa davom etdi, deya xabar bermoqda Meduza.

Reys Airbus A350-900ULR samolyotida amalga oshirilgan. Samolyot bortida 150 nafar yo‘lovchi va ekipajning 17 nafar a’zosi bo‘lgan.

2017 yili Qatar Airways’ning Boeing 777-200 layneri Dohadan Yangi Zelandiyaning Oklend shahriga parvoz qilgandi. O‘shanda reys 16 soat 15 daqiqa davom etgan.